Gemini Love

Gemini Love Horoscope 2016 In Urdu: Aap ka sitara taluqat ke hawalay se un siton mein shamil hota hai ke jo taluqat banane, rakhne aur nibhane ke mamlay mein behtareen hain. Aap dusre fard ki shaksiyat ko dekh kar hi us ki soch ko bhanp sakte hain. Khuda ne aap ko ye salahiyat di hai ke aap buri se buri baat ko bhi ache andaz se bayan kar sakte hain. Tareef karna aap ke liye asaan hai jabkeh tareef sunna har shakhs ki kamzoori hoti hai. Agar aap apni in khoobiyon se agah nahin tou jaan lain ke Allah ne ye tamam ala ausaf de kar aap ko paida kiya hai. Inhi ausaf ki badolat aap bohat se mushkil halaat se ba asani nikal jate hain. Amooman aap ki shaksiyat ko sifarat kari ke liye behtareen samjha jata hai. In sub khoobiyon ke hote hue aap par zuma dari ayed hoti hai ke apne mahool ko apni un khoobiyon ki bina par khushgawar rakhain, khasoosan azdwaji zindagi ko.

Khuch Gemini afrad house se bahir tou bagh-o-bahar shakisat ke hamil hote hain lekin ghar mein un ki asool pasandi aur sakht mazaji, rishton mein aik deewar ki tarah hayel ho jati hai. Jis ke baes aap apnon se bhi door ho jate hain. Year 2016 aisay people ke liye jo tanhai ka shikar thay, ache friends lay kar aye ga aur shadi ke khawahan afrad ke liye bhi moqa paida hon gey keh woh apni shadi shuda zindagi ka behtar andaz mein aghaz kar sakain. Gemini parents ke liye bachon ki shadi ke hawale se acha waqt hai. Aur ye ke 2016 ka saal mohabbat ko panay aur rishton ko banane ka saal hai.

Taurus Love

Taurus Love Horoscope In Urdu 2016: Taluqat, chahe un ka taluq kis bhi rishtay se kyoun na ho, aik khas imtihan se guzar sakte hain. Barson purani dosti aur mohabbat shakook-o-shubhat aur ghalat fehmiyon ka shikar ho sakti hai. Ye woh waqt hota hai jub humain apne kaan band kar ke shaoor ki aankh kholni hoti hai. Bad khawa ghalat fehmiyan paida karne ki koshish karain gey.

Sitaron ki chal aisi hai ke aap khud bhi bohat hasas door se guzar rahe hain, Jahan choti si baat bhi bari mehsoos hoti hai. Kyoun ke aap ka hukmaran sitara zohra hai, jo bazat-e-khud love aur friendship ka mazhar hai. Saal ke ibtidai days mein mushtari ki saad nazar aisi buri koshishon ko nakam kare gi lekin khuch waqt aisa bhi ho ga jub ye sitara kamzoor halat mein ho ga. Tou sazishi afrad apni sazishon mein kamyab ho sakte hain. Lihaza is saal apne liye aik asool tay kar lain ke kisi bhi suni sunai baat par bila tehqeeq amal na karain gey aur apne kisi payare ke danista ghair danista amal ko parakh kar aali zarfi ka saboot dain gey takay woh kisi jazbati sadmay se dochar na ho.

Aries Love

Aries Love Horoscope 2016: Mohabbat ke mamlaat nisbatan behtar hon gey, koi purana toota hua taluq jo apni kashish kho chuka tha, woh bhi bahaal ho sakta hai aur ye bhi imkaan hai ke aap jald bazi mein shadi ki taraf bhi mayel ho jayain. Agar aisa 2016 ke adhay saal ke baad ho tou behtar ho ga, shuru ke 2 maheenay tak thori ahtiyat ki zaroorat ho gi.

Romantic khayalat aur tasawarat kafi baar hawi rahain gey aur jins mukhalif ki kashish mein koi aisa qadam bhi uth sakta hai, jis se aap ka waqar majruh hone ka andesha hai. Aries afrad kyoun ke atishi mazaj rakhte hain, is liye koi moqa parast un ki is kamzoori se faida uthate hue jazbati toor par unhain maghloob kar sakta hai, lihaza mehz dil lagi ke liye kisi se wabastgi mehngi par sakti hai. Koi aap ke martabay aur izzat ko sawaliya nishan bana dene ki dhamki de kar najaez mutalbat kar sakta hai.

Pisces

Pisces Horoscope In Urdu 2016: Qanooni mamlaat aap ki zindagi mein bohat aham hon gey. Mulazmat mein koi bhi kaam karte hue is baat ko madnazar rahain ke is ke liye jawab deh hona par sakta hai. Agar mamlaat shafaf hon gey tou aap ko qatan preshani nahin ho gi warna ye waqt aap ko mushkilat mein lapait sakta hai, isi tarah agar moroosi jaidad ya karobari wajuhat ki bina par muqadmat ka shikar hain tou aap ko lambe arsay tak fawaid hasil karte dikhai nahin dete. Aisi surat mein behtar ho ga ke aap mutalqa afrad se rabta karain aur chahay kam kam faida hi kyoun na ho lekin jo aaj milay, woh mustaqbil mein milne wale zayada munafa se behtar hai, isay apne tasaraf mein la kar mayari zindagi behtar kar sakte hain jabkeh muqadma bazi ke chakar mein par gye tou waqt aur paisay ke zaya ka dar hai. Koi bhi kaam karain, chahe kisi ko udhar bhi dain tou koshish karain ke baqaida tehreeri shakal mein saboot mojood ho.

Aisa dikhai deta hai ke aap is khawahish ka izhar karte hue ghabratay hain ke aap basilsila rozgar ya behtar tarz zindagi ke liye beron-e-mulk safar ikhtiyar karna chahte hain. Apni khawahishat aur soch ko hamdard aur samajhdar rufqa ke samne bayan karain aur mashwara talab karain. Zaroori nahin ke foori toor par aisa karna mumkin ho, albata 2016 ke darmiyanay arsay ke baad jub mushtari halat sharf mein 5th house mein ho ga tou darust ahbab aap ki madad ke liye agey barh sakte hain.

Aquarius

Aquarius Horoscope In Urdu 2016: Aquarius ka hakim sitara tou zohal hai lekin ansar hawa hai, Aquarius se mutaliq afrad muashray mein raej asoolon, purane khayalat aur samaji bandhanon se zayada mutasir nahin hote aur amooman aisay logon ke sath, jo in asoolon ka par char karte hain, un ke ikhtilafat aur nook jhoonk jari rehti hai.


2016 ke darmiyan se mushtari halat sharf mein 6th house mein ajaye ga tou bohat si uljhanain sulajh jayain gi. Bay yaqeeni ki kaifiyat aap ko anay wale khushgawar waqt aur halaat ki khush khabri dain gi. Apnon ke liye aap ki chahat aur mohabbat mein izafa ho ga. Aap ke dil mein un logon ke liye jo aap se pyar karte hain, khuch kar guzarne ki khawahish shiddat se paida ho gi. Is ke sath sath qudrat aap ko naye logon se milaye gi aur naye halaat mein naye mawaqa faraham kare gi. Ho sakta hai ke aap un se mutasir ho kar apni paisha warana zindagi mein tabdeeli lay ayain, apne liye koi aur rah muntakhib kar lain ya kisi ki banai gyi rah par chalne ki hami bhar lain, jis se aap mutasir aur mutmayen hon. Gharz ye ke ye tasalsal agar barqarar rahe ga tou muashi aur zehni halaat behtar rahain gey, albata jazbati lamhaat mein bewaqoofana aur jald bazi mein kiye gye faisle aap ko berozgar bhi kar sakte hain. Lihaza kisi bhi kaifiyat mein aqal ka sath na chorain.

Capricorn

Capricorn Horoscope In Urdu 2016: Capricorn se wabasta afrad ka hakim sitara zohal hai, 2016 mein ye Capricorn sitara aap ke 11th house yani hope aur desires ke house mein mojood ho ga. Is ka ye muqaam bohat se fawaid dey ga aur aur 11th house mein is sitare ka aana aap ki daireena khawahishat ki takmeel ke waqt ka aghaz hai. Aap ne apni kamyab zindagi ke liye jo khawab dekhe, ji hadaf muqarar kiye, pehle thehr kar ye dekhain ke un mein ab tak kis darjay kamyab hue hain? kya un kamyabiyon se aap mutmayen hain? agar nahin tou ye is baat ka tajziya karne ka waqt hai ke kya wajuhat thien jin ki wajah se aap un khawahishat ki takmeel mein nakam rahe.

Capricorn 2016 Urdu Horoscope
Qudrat aap ko phir se moqa de rahi hai ke aap naye siray se aur nayi justuju ke sath kaam karain tou aap ke liye asaniyan paida hon gi. Is waqt ko mazeed musbat banane aur behtar nataij dene ke liye sitara mushtari aap ke 6th house mein mojood hai, jahan se us ke saad asrat dusre, 10th aur 12th house par parr rahe hain yani mali toor par ye behtareen waqt hai.

Sagittarius

Sagittarius Horoscope In Urdu 2016: Sagittarius se taluq rakhne wale logon ke liye 2016 year khasa aham ho ga. Aham kaam mukammal hon gey aur naye kamon ka aghaz ho ga lekin un sub se zayada aham Sagittarius people ki personal life hai. Shadi shuda Sagittarius ke liye khasoosan jin ki age 29 se 36 years ke darmiyan hai, ye waqt bohat aham ho ga. Rishton mein khasi ghalat fehmiyan paida ho sakti hain kyoun ke sitara zohal aap ki zindagi mein apna pehla chakar mukamal kar ke jub dusre chakar ki taraf barhta hai tou bohat se naye asaar lata hai, jo ache aur bure donon ho sakte hain. Banay hue rishtay toot bhi saktay hain aur khuch naye rishtay banane ki khawahish bhi shidat ikhtiyar kar sakti hai. Ye jazbati toor par kafi mohtat rehne ka waqt hai.

Sagittarius Horoscope In Urdu 2016
2016 ko lagne wala is saal ka pehla suraj grahan aap ki zindagi mein halchal paida kar sakta hai. Mulazmat mein ghair yaqeeni suraj haal ban sakti hai. Aisay mein aap ka namunasib rawaiya mazeed kharabiyan paida kar sakta hai. Ache karobari taluqat ghalat fehmi ka shikar ho sakte hain. Jhagre ki surat mein ye waqt samjhotay aur baat cheet ke zariye mamlaat ko tay karne ka taqaza karta hai. Agar koi jeewan sathi milay tou us ke mali halaat aur wasail ke sath sath us ke zati ausaf aur ala kardar ko bhi mad-e-nazar rakhain. Allah Ta'ala naseeb acha kare, paisa aur asaesh tou mil hi jati hain. Albata zehni ham ahangi na hone ke masayel hal nahin hote, is liye haqeeqat pasandana rawaiya ikhtyar karna behtar ho ga.

Scorpio

Scorpio Horoscope In Urdu 2016: Scorpio se mutaliq people shamsi sarh sati ke dusre dhai sala door se guzar rahe hain. Ye zindagi ka sub se mushkil, aham aur nazar andaz na karne wala doraniya hota hai. Zindahi nat naye tajarbat se guzarti hai, dost dushman ban jate hain ya soch is tarah badalti hai ke woh dushmanon ki tarah mehsoos hote hain aur jin se kabhi qurbat na thi, woh sub se zayada qareeb hote hain. Zaroori nahin hota ke un ka qurb aap ke liye faida mand hi ho. Hota youn hai ke hamari soch aur aqal par khuch is tarah ke asrat muratab hote hain ke us door se guzarne wale log ache bure ki tameez karne ki salahiyat rakhte thay, woh bhi kho dete hain. Zohal ke is door mein bohat se zaheen, chalak aur teez-o-tarar logon ko bhi dhoka dehi ka shikar hote dekha gya hai. Wajah khuch bhi ho, ye baat tay hai ke zohal ke sayah badal mutasira fard ko is tarah jakar laitay hain ke us ki achi baat aur mashwara dil ko nahin lagta.

Scorpio Horoscope In Urdu 2016
Scorpio ke liye 2016 ka saal bohat aham hai. Shuru ke 2 months mein parents ke sath ikhtilaf paida ho sakta hai, nasihat buri lage gi. Is ke baad agley 2 months mein friends ke sath ghalat fehmiyan paida ho sakti hain. Phir agley 2 months mein mohabbat, taluqat, shadi shuda zindagi ke liye mohtat tarz amal darkar ho ga.

Libra

Libra Horoscope In Urdu 2016: Khubsurati aur munsifana soch ka hamil sitara Zohra Libra ka hukmaran hai, aisay Libra people jo apne shamsi sarh sati ke teesre door mein dakhil hue hain, un ke liye qadre behtar aur pursakon halaat paida ho rahe hain. Go ke aap ne pichle years mein khasa sakht waqt guzara hai lekin yaqeenan ye zindagi ke woh lamhat hon gey, jub aap ne bohat khuch seekha ho ga. Ab sitara Zohal aap ke zaichay ke dusre ghar mein yani khana maal mein mojood hai, is position mein aap ko mali mamlat mein apne aala ausaf aur mazi ki tarbiyat ki istimal karte hue behtareeb salahiyaton ka muzahira karna ho ga.

Libra Horoscope In Urdu 2016
Ho sakta hai ke aap ko apne maqasid ke husool ke liye financial toor par khuch tangi se guzarna pare lekin year 2016 ke ibtidai 3 months ke baad halaat behtari ki taraf gamzan hona shuru hon gey aur mushtari ki saad nazar aap ne ninth house se naye mawaqa, itminan qalb aur rohani pukhtagi ke sath jo khuch muyasir hai, usi par qanaat karne ka dars de gi aur aap mehsoos karain gey ke bila wajah ki preshaniyan aur bechaini jo halaat behtar hone ke bawajod bhi aap ke sath thien, zehni toor par aap ko is tarah mutasir nahin kar rahien, jis tarah pehle kar rahi thien, taham aap ka waqt abhi bhi aisa hi hai ke jis mein aap ko khasay mohtat tarz amal ka muzahira karna ho ga.

Virgo

Virgo Horoscope In Urdu 2016: Virgo people 2016 ko apni zindagi ke un aham years mein shumar kar sakte hain jin mein un ka muqam aur martaba uncha hota hai aur bohat si dreams aur khawahishat puri hoti hain. Ibtidai 6 months.... mazi mien ki gyi koshishon se faida uthane ka waqt hai aur agle 5 months ke doran mushtari sitara umeed ke us ghar mein bara jaman ho ga, jahan khawahishat haqeeqat ka roop dharti hain. Yahan is waqt mushtari aur zohal ki triangle behtareen waqt ki nishandahi karti hai. Taleemi istatat aur zayada behtar ho gi. Hasb-e-khawahish college ya university mein admission ke imkanat roshan hon gey.

Virgo Horoscope 2016 Urdu
Aulad ki khushiyan dekhna naseeb hon gi. Zehni soch is tarah badlain gi ke soch ke dharay badlain gey aur nayi nayi jehton se ashna hon gey. Ye waqt mustaqbil ki mansooba bandi aur un ki bunyad rakhne ke liye intihai munasib hai.

Young Virgo people ke liye taraqi ke naye darwaze khulain gey. Khawateen apni family ki mohabbat ke sath behtareen waqt guzarain gi. Bare bare kamon ki taraf tawaja dain. Ghair aham aur chote chote masail par waqt zaya na karain. Koshish karain ke jis shobay mein aap ko mawaqa milain usi shobay ke zaheen aur mahir afrad se mushawrat karain. Aap ka kaam mansooba bandi aur nagrani ka hai na ke apne hathon se aik aik eent rakhe ka.

LEO

Leo Horoscope 2016 In Urdu: Leo se mutaliq afrad ke liye ye saal khasa aham aur hungama kheez sabat ho ga. Aap ka mazaj kyoun ke hakimana, andaz shahana aur khawahishat unchi hoti hai is liye in tamam baton ki wajah se 2015 mein aap kamyabiyon aur nakamiyon ke aik aisay door se guzrain gey, jis mein jald bazi, bay lagam khawahishat aur dusron ko bay tauqeer samajhne ki wajah se mushkilat barh sakti hain.

2016 ke shuru ke 3 months mansooba bandi aur hikmat amli ke liye batoor khas aham hon gey aur 2016 ka adha arsa guzarne ke baad jub sitara mushtari 12th house mein bara jaman ho ga tou zohal ke sath banne wala us ka rishta fawaid hasil karne ke liye behtareen ho ga. Aap apne dairneena hareefon ke sath mamlat ko ache tareeqay se tay kar sakain gey.  Muqadma bazi tou aap ko faida na de gi, albata is silsile mein sulah ke sath mamlaat ko tay karne ke liye ye waqt munasib ho ga. Tabiyat mein teezi aney aur jald bazi par mayel hone ke imkanat hain.

Leo Horoscope 2016 In Urdu
Jhoote waday aur ghair haqeeqi umeedain dila kar aap ki mali khawahishat ki taskeen karte hue khuch moqa shinas aap ko nuqsan pohancha sakte hain. Parents ke sehat ka khas khayal rakhain. 2016 year aap ki zindagi ke un aham years mein se aik ho ga jin ke doraan aap bohat si aham cheezon ka mushahida karain gey, jis ke doraan hone wale tajarbat ki bina par aap ki soch mein tabdeeli paida ho sakti hai.

Cancer

Cancer Horoscope In Urdu 2016: Saal 2016 ke 6th month ke baad se aap ki zindagi mein zati tarbiyat ke mawaqa paida hon gey aur aisay zehni ausaf paida hon gey jin ke liye aap kabhi koshan thay. Aisay Cancer people jo mazi mein mushkil halaat ki bana par apne taleemi safar jari na rakh sake, 2016 un ke liye dobara aisay mawaqa paida kare ga ke woh apni taleemi istadad mein izafa kar sakain. Is ke sath sath ye year jazbati mamlat mein bohat aham ho ga aur aap se taqaza kare ga ke un mamlat par, jin ke hawale se aap baat karna gawara na karte thay, chahe us ki wajah sharam-o-haya thi ya kisi ka ahtram, ab baat zaroor karain aur aoni zarooriyat, soch aur masail se dusron ko agah karain. Is ke sath sath 2016 aap ko aisay afrad ke hawale se jo haliya days mein aap ki zindagi mein aye hain, mohtat tarz amal ikhtiyar karne ka mashwara deta hai. Aap ki kamyabiyon ki wajah se aisay asaar bante dikhai dete hain jin se purane taluqat mutasir ho sakte hain. Year 2016 aap se is baat ka taqaza jarta hai ke apni samaji zumadariyon ko ahsan tareeqa se pura karain.
Cancer Horoscope 2016 In Urdu
Khasoosan agar aap apne parents se door hain tou un ki mali zarooriyat ke sath sath un ki jazbati wabastgi aur tanhai ke asrat ko mehsoos karain aur insani rishton ki kami ko sirf paisay se pura karne ki koshish na karain. Behtar ho ga ke apne waqt ki is tarah taqseem karain ke aap un ke sath musalsal rabtay mein rahain. Agar aap mehsoos karain gey ke apni insani zumaidariyon ko ache andaz se nahin nibha rahe tou dusron se zayada aap khud mutasir hon gey, lihaza apne apne zehni sakoon aur dili khushi ke liye aap dusron ki zindagiyon mein khushiyan bantain. 2016 mein bohat se mamlat mein behtari ke asaar paida hon gey. Aisay afrad jo kisi aur jagah sakoonat akhtiyar karna chahte hain, un ke liye bhi aisa karna mumkin ho sake ga.

Gemini

Gemini Horoscope In Urdu 2016: Bohat years ke baad kisi ke liye aisa time aata hai ke jub qudrat aisay mawaqa paida karti hai ke koi insan apni zaat ke andar jhankay aur apni kamzooriyon aur khoobiyon se agah ho. Aisa tabhi mumkin hota hai jub Allah Ta'ala kisi par meharban ho aur us ke liye asaniyan faraham kare. Gemini people apni life ke us door se guzar rahe hain, jub saad sitara mushtari un ke pehle ghar yani un ki sochaur un ke zehan mein bara jaman hai. Ab ye aap par munhasir hai ke aap falak se anay wali is roshni ko apne shaoor aur dil mein kis had tak utarte hain. Year 2016 apni zaat ke muhasbay ka saal hai, jun andhere chat'tey hain aur dimagh mit'tay hain aur mann ujala hota hai.
Gemini Horoscope 2016 In Urdu
Taqreeban 12 years ke baad is sitare ke ghar mein aana.... is baat ki nishandehi karta hai ke aap apni zindagi ke aney wale waqt ke liye mansooba bandi karain. Aksar Gemini people apni zindagi ke aisay door se guzar rahe hain ke jub unhon ne apne iraday ko pane ki thaan rakhi hai lekin khayal rahe ke hadaf kesa hai! ho sakta hai ke jise aap darust samajhte hon woh ikhlaq ya rawayat ki nazar mein darust na ho. Lihaza sahi simat ikhtiyar karain aur shidat talab mein koi ghalat fehmi na uthayain kyoun ke us waqt aap ki zaat mein bala ki khud aitmadi hai aur ye confidence kabhi kabhi nuqsan ka sabab bhi ban sakta hai. Aap ka khubsurat andaz mein baat karna aur friendly behaviour aap ke halqa ahbab mein wust ka baes bane ga.

Taurus

Taurus Horoscope In Urdu 2016: Taurus people ke liye 2016 year milay juley halaat ka hamil ho ga. Sitara mushtari saal ke ibtidai 6 months tak khana maal par bara jaman ho ga, jis ki wajah se us ke saad asrat mali mamlat ko behtar karne ki koshish karain gey, albata sitara zohal satwein ghar aqrab mein hone ki wajah se zayada tawaja, mehnat aur justuju ka taqaza kare ga. Ye woh waqt hota hai jub behtari ke liye ki gyi koshishain amooman zayada faida mand nahin hotein balkeh gilay shikway aur ghalat fehmiyan paida ho sakti hain.

Azdwaji taluqat mein khinchai, choti choti baton par narazi, jis ka doraniya kayi dinon par muheet ho, se wasta par sakta hai. Taurus ka hukmaran sitara Zohra hai jo mohabbat, sukh aur asaish ka talabgar hota hai. Ye sitara satwein ghar ke nehs asrat ki wajah se mutasir ho sakta hai. Shadi shuda afrad ki jinsi zindagi bhi mutasir ho sakti hai, jis se mazaj mein zayada bagar paida hone ke imkanat hote hain. Albata 2016 ke darmiyan ke baad agley 6 months behtar hon gey kyoun ke mushtari ka teesre ghar mein aana.... 7th house ko behtar karta hai. Ye waqt ruthay hue rishtay daron ko mananay, naye kaam ke aghaz aur mazi ki ghalat fehmiyin ko door karne ke liye munasib hai.
Taurus 2016 Horoscope Urdu
Aqalmand afrad jo mazi mein is sitare ke asrat se guzar chuke hain un ke liye aik sabaq ho ga ke woh jazbati mamlaat ko qabu mein rakhain aur choti choti baton par istiyal mein na ayain. Zindagi rawan dawan rehti hai, albata bure waqt mein kahe gye talkh ilfaz aik ghao ban kar rishton mein talkhiyan aur dukh bharte rehte hain. Behtar ho ga ke kisi bhi maslay ko tool na dain. Aisar aur mohabbat ka rawaiya apnayain. Dusron se wohi salook karain, jis ke aap khud talabgar hain.

Young Taurus ke liye ye waqt zayada important ho ga, rishte natay agey barhain gey, par bazurg afrad ka rawaiya mayoosi ka sabab ho ga aur aap ko aisa mehsoos ho ga ke qareebi logon ke darmiyan aik khaleej hael ho chuki hai. Jis ki wajah se woh aap ke jazbat ko samajhne se qasir hain. 2016 Taurus star walon ko burdbari aur mashawarat ka saal hai.

ARIES

Aries Horoscope 2016 In Urdu: Aries woman aur man 2009 se 2012 tak bohat si tabdeeliyon aur mushkilat, nakamiyon aur rishton mein ikhtilafat ke door se guzre hain. 2016 Aries ke liye ache andaz se shuru ho raha hai. 7th house ki shadeed mushkilat kam hone ka imkan hai, jahan par sitara zohal bara jaman tha aur aap ki bohat si musbat koshishon ko nakam karta raha tha, woh ab wahan se rukhsat ho chuka hai. Aries girls aur boys is saal apne wali wasail mein izafay ke shadeed mutmani hon gey aur androoni oor par apne aap ko zayada fa'al aur jismani toor par qawi mehsoos karain gey.
Aries Horoscope 2014
Aries Horoscope 2016 Urdu
Aries star mars hai jisay urdu mein marikh planet kehte hain, jis ka taluq aisay afrad ke sath hai jo haar mannay wale nahin, jin mein justuju aur lagan bala ki hai aur woh nakami se nafrat karte hain. Sitara Marikh is year 2016 se behtar halaat mein hai aur aap ke liye saal ke 12 months mein is tarah ke halaat laye ga ke zindagi ke tamam pehlu mustafeed ho sakain gey.

Albata khuch lamhat aisay bhi hon gey, jub us ka taluq sitara zuhal ke sath negative andaz mein banay ga tou aap ke liye waqti toor par khinchao, dabao aur mazaj mein teezi, ikhtilafaat mein shidat aur tabiyat mein jald bazi paida ho gi lekin us ka doraniya bohat kam ho ga. Mushtari planet saal ke darmiyan se saad asrat paida kare ga. 2 bare sitaron ki saad nazar aap ke zaicha mein khushgawar aur khushnuma tabdeeliyon ki mazhar ho gi, yehi woh waqt ho ga jub aap morusi jhagre aur wirasat ke masailm, parents ki sehat, house ki construction aur house decoration aur future ke liye behtar faislay karne ke qabil ban jayain gey.