Aquarius

Aquarius Horoscope In Urdu 2016: Aquarius ka hakim sitara tou zohal hai lekin ansar hawa hai, Aquarius se mutaliq afrad muashray mein raej asoolon, purane khayalat aur samaji bandhanon se zayada mutasir nahin hote aur amooman aisay logon ke sath, jo in asoolon ka par char karte hain, un ke ikhtilafat aur nook jhoonk jari rehti hai.


2016 ke darmiyan se mushtari halat sharf mein 6th house mein ajaye ga tou bohat si uljhanain sulajh jayain gi. Bay yaqeeni ki kaifiyat aap ko anay wale khushgawar waqt aur halaat ki khush khabri dain gi. Apnon ke liye aap ki chahat aur mohabbat mein izafa ho ga. Aap ke dil mein un logon ke liye jo aap se pyar karte hain, khuch kar guzarne ki khawahish shiddat se paida ho gi. Is ke sath sath qudrat aap ko naye logon se milaye gi aur naye halaat mein naye mawaqa faraham kare gi. Ho sakta hai ke aap un se mutasir ho kar apni paisha warana zindagi mein tabdeeli lay ayain, apne liye koi aur rah muntakhib kar lain ya kisi ki banai gyi rah par chalne ki hami bhar lain, jis se aap mutasir aur mutmayen hon. Gharz ye ke ye tasalsal agar barqarar rahe ga tou muashi aur zehni halaat behtar rahain gey, albata jazbati lamhaat mein bewaqoofana aur jald bazi mein kiye gye faisle aap ko berozgar bhi kar sakte hain. Lihaza kisi bhi kaifiyat mein aqal ka sath na chorain.

2 comments:

  1. "Best Washer and Dryer Repair Service
    A convenient household appliance, Best choice for those who want to optimize time. washer and dryers are in all-in-one kind of home appliance. When your washer and dryer break down and leaves you with loads of laundry to sort out on your own. problems with these appliances can be stressful and cost you precious time .washer and dryer can use a huge amount of energy and cause fire if not properly maintained. common issues include water leaks and loss of agitation due to drive belt damage. Washer And Dryer Repair"

    ReplyDelete
  2. This comment has been removed by the author.

    ReplyDelete